Istanbul Robot Museum

İstanbul Robot Muzeyi, İstanbulun Avcılar rayonunda yerləşən və Dr. Özgür AKIN tərəfindən 15 Dekabr 2022-ci ildə qurulan Mədəniyyət və Turizm Nazirliyinə bağlı bir texnologiya muzeyidir.

Haqqında

İstanbul Robot Muzeyi, daxilində Türkiyədə yerli olaraq istehsal olunan robotları saxlayır. insan şəklində robotlar, sosial robotlar, xidmət robotları, kənd təsərrüfatı robotları və sənaye robotlarından ibarət geniş bir əsər kolleksiyasına malikdir.

Muzeydə ümumilikdə 105 ədəd robot mövcuddur. Həmçinin muzeydə 214 ədəd əsərdən ibarət motor və motor hissələri kolleksiyası, 805 ədəd əsərdən ibarət elektron dövrə kolleksiyası, 442 ədəd əsərdən ibarət mexaniki məhsul kolleksiyası və 241 ədəd əsərdən ibarət eskiz işi kolleksiyası var. Bütün bu əsərlərlə birlikdə muzey ümumilikdə 8556 ədəd robotik məhsuldan ibarət geniş bir kolleksiyaya sahibdir.

Muzeydə olan robotlar ziyarətçilərlə söhbət edə və rəqs nümayişləri edə bilirlər. ARAT adlı 4 ayaqlı robot müxtəlif maneələri aşdığı bir parkur nümayişi təqdim edir. Muzeydə robot qol ilə Tic Tac Toe oyunu oynana bilər və interaktiv panellərdə planetlər haqqında məlumat əldə edilə bilər. Muzeyin mövzusu ümumilikdə texnologiya və kosmos üzərində qurulmuşdur.

Muzey Binası

1024 m2 olan muzeyin birinci mərtəbəsində robotların istehsalında istifadə olunan motorlar, bağlantı elementləri və dövrə kartları sərgilənir. Muzeyin ikinci mərtəbəsi isə tamamilə robotlara ayrılmış, robotların gündəlik həyatda yerləşdikləri sahələri göstərən dioramalar yaradılmışdır.