Mersin Museum

Mersin Muzeyi, Türkiyənin Mersin şəhərinin əsas muzeyidir. Mədəniyyət və Turizm Nazirliyi tərəfindən idarə olunur. Lakin yeni bir muzeyin, yəni Mersin Arxeologiya Muzeyinin yaradılmasından sonra eksponatların əksəriyyəti yeni muzeyə köçürülmüşdür.

Tarix

Mersin vilayətində bir çox qədim yaşayış yeri vardır. Mersin şəhərindəki Yumuktepe və Soli, Tarsusdakı Gözlükule bunlardan bəzilərdir. Lakin Mersin Muzeyinin yaradılmasından əvvəl, tapıntılar digər muzeylərdə nümayiş etdirilirdi. Mersin Muzeyi 1978-ci ildə yaradılmışdır. 1991-ci ildən sonra muzey, hazırkı yerinə, Mersin Halkevinin şərq qanadına köçürülmüşdür.

Sərgi

Pithos və stellər kimi daş tapıntılar həyətdə nümayiş etdirilir. Muzeyin iki mərtəbəsi var. Aşağı mərtəbədə iki sərgi zalı yerləşir. Birinci zalda, Roma dövrünə aid stellər və amforalar nümayiş etdirilir. Terrakota məzarlar Solidən gətirilmişdir. İkinci zalda Neolit, Xalkolit və Erkən Tunc dövrünə aid müxtəlif saxsı məmulatlar, əl işləri, eləcə də metal bəzək əşyaları nümayiş etdirilir. Bunların əksəriyyəti Yumuktepe və Gözlükule yaşayış yerlərindəki tapıntılardır. Yuxarı mərtəbədəki üçüncü zal, bəzək əşyaları, xalçalar, geyimlər, təsbehlər, ağac və mis məmulatlar, silahlar və s. kimi türkmən mədəniyyətinin etnoqrafik əşyalarına həsr olunmuşdur. 446 əşyaya əlavə olaraq 999 sikkə də mövcuddur.