Silifke Atatürk Museum

Silifke Atatürk Muzeyi (türkcə: Silifke Atatürk Evi Müzesi), 1925-ci ildə müasir Türkiyənin qurucusu Mustafa Kamal Atatürkü və onun həyat yoldaşını qəbul etmiş, Silifkədə yerləşən iki mərtəbəli bir evdir.

Yerləşməsi

Silifke, Türkiyənin Mersin vilayətinin bir ilçesidir (rayonudur). Muzey, şəhərdə, Yupiter məbədinin xarabalıqlarının şimal-qərbində yerləşir.

Tarix

Binanın sahibi, 1925-ci ildə Silifkənin bələdiyyə sədri olan Hacı Hulusi olmuşdur. Atatürk, Silifkəyə səfəri zamanı onun evində qalmışdır. Hacı Hulusinin ölümündən sonra ev varisləri tərəfindən irsən alınmışdır. Lakin 1982-ci ildə Mədəniyyət Nazirliyi evi satın almışdır. 1987-ci ildə, təmirdən sonra, ev Atatürk Muzeyi kimi açılmışdır.

Bina

Binanın (həyət daxil olmaqla) ümumi sahəsi 329 kvadratmetrdir (3,540 kvadrat fut). Aşağı mərtəbə kitabxana və ofisdir. Yuxarı mərtəbə Atatürkün xatirəsinə həsr olunmuşdur. Bu bölmə etnoqrafik xarakterlidir. 1920-ci illərə aid müxtəlif məişət əşyalarına əlavə olaraq, burada Atatürkün 1925-ci il səfəri zamanı ona təqdim edilmiş, üzərində onun inisialları olan bir tüfəng, həmçinin Silifkə yaxınlığındakı təsərrüfatı haqqında sənədlər var.