Category:Ahlat Museum

Ахлат музейі — Ахлаттағы археология және қала музейі.

Ұлттық білім министрлігінің бастамасымен, ашық аспан астындағы музей іспетті Ахлат Селжұқ зиратының жанына жабық музей салу мақсатында 1968 жылы зираттың оңтүстігіндегі жол бойындағы учаскеде музей ғимаратының құрылысы басталды. 1971 жылы ашылған музей екі залдан тұрды. Бірінші залда ұшқыр (белдік), пешкір және сүлгі сияқты түрлі түркі тоқыма үлгілерімен қатар үш етек, биндал, налын және шұлық тәрізді әйелдер киімінің үлгілері қойылды. Екінші залда қолжазба Құран мен алтын өрнекті тақталар, металл ас үй бұйымдары және күнделікті тұрмысқа қатысты басқа да заттар көрмеге қойылды.

Ғимараттың жеткіліксіз болуына байланысты 2011 жылы басқа жерде жаңа музей ғимаратының құрылысы басталды. Жаңа музей ғимараты Мәдениет және туризм министрі Нуман Құртұлмұштың қатысуымен 2018 жылдың 13 маусымында өткен салтанатты рәсіммен ашылды. Музейдегі жәдігерлер қазіргі таңда археологиялық, қалалық жады, вестибюль және бақ болып 4 бөлімде көрмеге қойылған.