Juma mosque

Жұма мешіті — Бәрдә қаласының орталығында орналасқан мешіт. 1905 жылы салынған.

Тарихы

Бұл мешіт Бәрдә қаласының орталығында орналасқан. Негізгі кіреберіс есігінің үстінде араб цифрымен 1324 жыл көрсетілген (XX ғасырдың басы). Мешітті кімнің салғаны туралы нақты мәлімет жоқ. Бұл мешіт ғасырдың басынан 1990 жылға дейін тыңайтқыш қоймасы, мектеп және мұрағат ғимараты ретінде пайдаланылған. Алайда 1990 жылдан кейін бұл мешіт жергілікті тұрғын Мәшәди Рамазанның жеке бастамасы және жергілікті жұрттың қаражаты есебінен жөнделген.

Сәулеті

Тіктөртбұрышты пішіндегі мешіт ғимараты түгелдей күйдірілген кірпіштен өрілген. Ғибадат залының ауданы 14x12 метр, биіктігі 5 метр. Мешіттің минбары жеті сатылы болып, ағаштан жасалған. Михрабының биіктігі 2,5 метр және доғал пішінде. Шатырдың жабыны ақ темір табақтан. Мешіттің минаралары да күйдірілген кірпіштен болып, шатырдан биіктетілген (5 метр). Минаралар дөңгелек пішінде болып, күмбезі ақ темір табақпен жасалған. Мешіттің алдыңғы жағында ашық түрдегі айван орналасқан. Мешіттің әйелдер бөлімі бірінші және екінші қабатта. Екінші қабаттың ауданы 12x4 метр.