Kaptan İbrahim Ağa Mosque

Капитан Ибрахим аға мешітін 1622 жылы капитан Ибрахим паша Стамбулдың Бешікташ ауданында салдырған.

Тарихы

Мешіттің алғашқы түрі екі қабатты ғимарат болған, жақын маңдағы бақша мен бөлмелер де мешіттің уақфына жатқан. Мешіттің мінберін судур-ы еслафтан Қажы Мехмед Ешреф пашаның қазынашысы Мехмед аға жасатқан. Уақыт өте тозып, ескірген мешітті 1763 жылы уәзір-и-ағзам Хамид Хамза паша қайта салдырды.

Уақфтардың бас басқармасының жазбаларынан белгілі болғандай, Капитан Ибрахим аға мешітінің жанында мектебі де болған. Сонымен қатар мешіттің жанында сұлтан II Мұстафаның қызы Сафийе Сұлтанның қайырымдылығымен салынған, суы өте тәтті шешмесі бар еді.

Басты есіктің үстіндегі 1899 жылғы жазбаға сәйкес, мешітті сұлтан II Абдулхамид тас қабырғалы, ағаш шатырлы етіп қайта жаңғыртқан. Мұнарасы тастан.

Қазіргі мешіт — сұлтан II Абдулхамид салдырған мешіт.

Капитан Ибрахим аға мешітінің соңғы жамағат орнына көшеден ашылатын екі қанатты ағаш есік арқылы кіреді. Соңғы жамағат орны көлденең тікбұрышты жоспарлы. Солтүстік қабырғасындағы үш терезеден жарық алады. Кіре берісте соңғы жамағат орнының оң жағынан мешіттің әйелдер мақсұрасына (қабатына) шығатын ағаш баспалдақ, сондай-ақ мешіттің төменгі бөліміне түсетін бөлек баспалдақ бар. Сонымен бірге кіре берістің сол жағында имам бөлмесі орналасқан. Соңғы жамағат орнынан қибла бағытына ашылатын екі қанатты есік арқылы негізгі кеңістік — харимге кіреді. Мешіт тас қабырғалы, ағаш, бағдади төбелі, ағаш шатырлы, үсті черепицамен жабылған, мұнарасы бар ғимарат. Қабырғалары қарапайым бояумен боялған, қибла қабырғасында екі, батыс қабырғасында тікбұрышты жоспарлы, ағаш, темір торлы үш терезе бар. Михраб пен мінберінің жасалу сапасы өте жоғары. Бедерлі өрнектерінің үсті ақ бояудың үстінен алтын жалатылған михраб пен мінбердің өңдеуі жасалған дәуірінің әшекейлеу ерекшеліктерін көрсетеді. Уағыз мінбері ағаштан және қарапайым көрініске ие. Муэззин мақсұрасы харимнің солтүстік-батыс бұрышында ағаш тормен бөлінген. Ағаш әйелдер мақсұрасы соңғы жамағат орны мен харимнің солтүстік бөлігінің үстін жауып тұр. Әйелдер мақсұрасы солтүстік қабырғасындағы тікбұрышты жоспарлы төрт терезеден жарық алады, төбесі ағаштан. Мешіттің сол жағындағы бір шарафелі мұнарасы тастан.