Köprülü Mehmet Paşa Mosque

Кёпрюлю Мехмет паша мешіті — Стамбұл ілінің Фатих ауданына қарасты Бинбирдирек маңында орналасқан ғибадат ғимараты. Ол Диванйолу даңғылында, Чемберлиташ моншасы мен Чемберлиташ трамвай аялдамасының қарсысында тұр.

Кесене, себіл, шәрәле, медресе және кітапханадан тұратын кешеннің бөлігі болған бұл мешіт шын мәнінде медресенің дәріс бөлмесі ретінде салынған. Алайда XIX ғасырда Сұлтан Абдулазиз тұсындағы жол құрылысы кезінде медресенің бір бөлігі бұзылып, сондықтан мешіт қазір даңғыл жағасында қалды. Себіл де жолдың үстінде қалғандықтан бұзылып, бүгінге жетпеді. Мешіттің даңғылға да, медресе ауласына да шығатын екі бөлек кіреберіс есігі бар. Шәрәле мешіттің алдыңғы қасбетінде, ал кітапхана бір көше нарыда орналасқан. Медресе ғимараты мешіттің ішкі жағында тұр.

Мешіт сегіз қырлы жоспарлы және бір күмбезді, кесілген тастан салынған. Соңғы жамағат орны жоқ; мешітке даңғыл жағынан тікелей кіруге болады. Мұнарасы XIX ғасырда ағаш материалмен кейін қосылған.

Мешіттің жанындағы кесенеде мешіттің құрылысшысы Кёпрюлю Мехмед паша мен Фазыл Ахмед пашаның қабірлері бар.