Mother Museum

Ана мұражайы — Анкараның Алтындаг ауданында құрылған мұражай. Мұражайдың негізін қалаушы — жазушы Шермин Яшар.

Мұражай ғимараты

Ана мұражайы төрт залдан, екі бөлек ғимараттан тұрады. Мұражайға кірген кезде қабырғалардан бізді «ана туралы сөздер» қарсы алады. Ғимараттардың бірі екі қабатты, екіншісі бір қабатты. Екі қабатты ғимараттың бірінші қабатында түрлі мүсіндер мен картиналар көрмеленген. Мұстафа Кемал Ататүрік пен оның анасы Зүбейде ханымның жасанды интеллект арқылы түстелген кескіндері көрсетіледі. Осылардың жалғасында Ататүріктің бала кезінде киген попелин нәресте көйлегі мен бас киімі, Зүбейде ханымға тиесілі намазлық, түрлі елдердің Аналық медальдері орналасқан. Сонымен қатар мифология мен филологияға да орын берілген. Мұражайда Ататүріктің нәресте көйлегі де бар. Әлемде баламасы жоқ бұл мұражайда көптеген танымал суретшілердің аналар мен балалар туралы салған картиналары, мүсіндері мен коллекциялары орналасқан.

Екінші қабатта қонақтарды түріктің дәстүрлі үйлену бұйымдары күтіп тұр. Ұзатылатын қыздың бетперде (дуақ) жабуы, қына кешінде айтылатын әннің тарихы және жасау ретінде берілетін аманаттар көрмеленген. Картиналар, мүсіндер мен сөздік өрнектер де екінші қабатта орналасқан. Түрік тарихында күшті сенім болған Ұмай ана бейнесінің мүсіні оның тарихымен бірге ұсынылған.

Екінші ғимаратта «ана» сөзінің түрлі тілдерде қалай жазылатыны, сол елдің мәдениетін бейнелейтін ана фигуралары көрмеленген. Осыған қоса, 6 түрлі тілде бесік жыры орындалған және олардың әрқайсысы бөлек құлаққаптарда үзбей ойнап тұр. Ортасында бесік бар бөлме перде арқылы жабылған. Жылдар бойы аналар күніне сәйкес келген күндердің күнтізбе парақтары да кіреберісте көрмеленген.

Мұражай дүйсенбіден басқа күн сайын 09:30 мен 16:30 аралығында қонақтарға ашық. Мұражайға мұражай картасымен кіруге болмайды. Мұражайға Улус, Кызылай және Сыхыйе бағыты арқылы өтетін 321 және 392 нөмірлі автобус маршруттарымен жетуге болады.