National Museum of Fine Arts Gapar Aitiev

Гапар Айтиев атындағы Қырғыз ұлттық көркем сурет өнері мұражайы — сурет өнерінің үздік үлгілері жиналатын мәдени мекеме. Көркем сурет өнерінің шығармаларын ғылыми зерттеу, насихаттау жұмыстарын да жүргізеді.

Сипаттама

1935 жылы Фрунзе қаласында Қырғыз мемлекеттік картина галереясы ретінде ашылып, оған Мәскеудегі Третьяков галереясынан, РСФСР музей қорынан орыс классиктерінің 72 түпнұсқа шығармалары әкелінген. Мұражайды ұйымдастыруда С. Чуйковтың еңбегі зор. Мұражай көрермендерді бірінші рет Емен бағы (қазіргі Ч. Айтматов атындағы парк) қайта құрылған ғимаратында қабылдаған. Қазіргі ғимараты 1974 жылы салынған (архитектор Д. Ырыскұлов, В. Назаров және Ш. Жекшенбаев, инженер А. Юсупов, Қырғыз ССР-інің Токтогул атындағы мемлекеттік сыйлығы, 1976). Мұражайдың живопись, графика, мүсін сақтау бөлімдері, қолөнер-өндіріс өнер бөлімдері, реставрация шеберханасы, кітапхана, фотолаборатория, кинолекция залы, әдістемелік кабинеттер, экспозиция залдары, мүсін алаңы бар. Мұражай коллекциясының негізін С. Чуйков, Г. Айтиев, С. Ақылбеков, В. Образцов, А. Игнатьев, О. Мануйлова, Л. Ильина, А. Михалёв, Т. Садыков, Ж. Үмөтов, С. Ишенов ж. б. қырғыз суретшілерінің шығармалары құрайды. Экспонаттары жаңа табылғылармен үздіксіз толықтырылып отырады. Директорлары: оның ішінде Игнатьев, К. Усубалиева, М. Юсупова, 1997 жылдан Ю. Шыгаев.

Қолданылған әдебиеттер

“Кыргызстан” ұлттық энциклопедиясы: 4-том. Бас редакторы Асанов Ү. А. К 97. Б.: Мемлекеттік тіл және энциклопедия орталығы, 2012. 832 бет, илл. ISBN 978 9967-14-104 -9