TCDD Malikoy Train Station Museum

TCDD Малыкөй теміржол вокзалы мұражайы — Анкараның Полатлы ауданында орналасқан мұражай. Полатлыға қарасты елді мекен әрі сонымен қатар теміржол вокзалы болып табылатын Малыкөй Сакария бас шайқасы кезінде негізгі қолбасшылық орталығынан кейінгі ең маңызды база болып, түрік әскерінің логистикалық орталығы, лазареті, оқ-дәрі қоймасы және ұшу-қону жолағы ретінде түрлі мақсатта пайдаланылған. Осыған байланысты Малыкөй вокзалы түрік халқы жүргізген Азаттық күресінде рөл атқарған орындар қатарына жатады. Мұражай құру туралы шешім 2007 жылы қабылданған; ал 2008 жылдың 1 маусымында Көлік министрлігі, Түркия Республикасының Мемлекеттік теміржолдары және Бас штаб басқармасының бірлескен үлесімен ашылған.

Мұражайда TCDD тарапынан жөнделген, Сакария бас шайқасы кезінде қолданылған 1897 жылғы неміс өндірісіндегі бір локомотив, 1909 жылы тағы да немістер жасаған бір вагон, сондай-ақ түпнұсқаға сай жасалған 2 ұшақ көрмеленген. Бұл бөлім қонақтардың сол дәуірдің атмосферасын сезінуі үшін ұшақ пен пойыз дыбыстарының сүйемелдеуімен аралатылады. Сонымен қатар мұражай бақшасында 5713 шейіт есіне арналған ескерткіш пен Мұстафа Кемал Ататүріктің мүсіні орналасқан. Бұлардан бөлек Азаттық соғысын бейнелейтін мүсіндер мен көрнекі материалдар, сондай-ақ Азаттық соғысы дәуіріндегі теміржол жабдықтары да мұражайда орын алған.

Мұражайға 2017 жылдың алғашқы бес айында шамамен 7000 адам келген.