House-Museum of Niyazi

Ниязинин үй-музейи (азербайжанча: Niyazinin ev-muzeyi) — Азербайжандык дирижёр жана композитор, СССРдин Эл артисти Ниязиге арналган эстелик музей. Ал Азербайжандын борбору Баку шаарында, Булбул проспектисинде жайгашкан. Музей Азербайжан Мамлекеттик Музыкалык Маданият музейинин бөлүмү болуп саналат.

Тарыхы

Маэстро Ниязи бул батирде 1958-жылдан өмүрүнүн аягына чейин жашап, иштеген. Ниязинин үй-музейи Азербайжан Маданият министрлигинин буйругу менен 1990-жылдын 28-декабрында негизделген. Музей 1994-жылдын 18-сентябрында ачылган. Музейдин директору — Байрамов Рза Рафиг оглу.

Ниязинин үй-музейи республиканын музыкалык турмушуна арналган түркүн иш-чараларды үзгүлтүксүз уюштурат: эстелик кечелери, конференциялар жана концерттер.

Экспозиция

Батир 5 бөлмөдөн турат: алардын 3ү (ашкана, уктоочу бөлмө жана иш бөлмөсү) эстелик бөлмөлөр. Алар Ниязинин убагындагы түрүндө сакталган. Калган 2 бөлмө экспозиция жана көркөм конок бөлмөсү үчүн колдонулат. Экспозиция бөлмөсүндө сүрөттөр, нота кагаздары, плакаттар, программалар жана башкалар көргөзүлөт. Алар Ниязинин балалыгынан өмүрүнүн аягына чейинки турмушу жана чыгармачылыгын чагылдырат. Конок бөлмөсүндө Ниязинин коомдук ишмердигин чагылдырган сүрөттөр, Маэстрого белек кылынган жана музей ар кандай жылдары алган сүрөттөр бар.

Ниязинин иш бөлмөсү анын чыгармачылык ишинин борбору болгон. Өзгөчө көңүл Ниязинин өзү асып койгон сүрөттөр менен капталган борбордук дубалга бурулат. Дубалда Азербайжандын белгилүү артисттеринин жана дүйнөнүн белгилүү музыканттарынын сүрөттөрү бар.

Уктоочу бөлмөдө ээсинин табитин жана Советтер Союзунда 60-80-жылдардагы кийим жана интерьер модасын элестетүүгө мүмкүндүк берген жеке буюмдар жана эмеректер көргөзүлөт.

Учурда музейде көргөзүлөт:

Ниязинин 120 нота кол жазмасы;

2746 сүрөт;

Ниязинин жеке китепканасындагы 486 китеп жана нота;

279 винил пластинка;

Башка композиторлордун 5 кол жазмасы.