Kyzylagach National Park

Кызыл-Агач мамлекеттик коругу (азербайжанча: Qızılağac dövlət qoruğu, «алтын дарак» дегенди билдирет) Азербайжандын Байыркы жана искусство эстеликтерин коргоо комитети тарабынан 1929-жылдын 3-июлунда Каспий деңизинин түштүк-батыш жээгиндеги Кызыл-Агач булуңунда, Азербайжандын түштүк-чыгышындагы Ленкорань районунда, 884 км² аянтта негизделген.

Түзүлүшү

Кызыл-Агач мамлекеттик коругу 1929-жылы көчмөн, саз жана жапайы куштардын кыштоосу жана уялашы үчүн шарт түзүү жана коргоо максатында түзүлгөн. Коруктун жанында жалпы аянты 10 700 гектар болгон Кичи Кызыл-Агач мамлекеттик жаратылыш корголуучу аймагы да бар. Кызыл-Агач өлкөдөгү аянты боюнча эң чоң, ал эми түзүлгөн датасы боюнча үчүнчү коругу болуп саналат.

Коругу Аг-Гёль улуттук паркы менен катар ЮНЕСКОнун Рамсар конвенциясынын «Куштардын жашоо жайы катары эл аралык маанидеги сазданган аймактар жөнүндө» тизмесине киргизилген.

Флора жана фауна

Азербайжандын Кызыл китебине киргизилген куштардын көпчүлүк түрлөрү коруктин өзүндө жана жанаша аймактарда кездешет. Коруктта 248 куш түрү катталган. Бул коругда жапайы доңуз, бөрү, жапайы мышык, барсук, суусар, түлкү сыяктуу сүт эмүүчүлөр жашайт. Коруктин суу бассейндеринде салака, каспий кутуму, кадимки сазан, сом балык, сандер балыгы, кадимки чабак, бажы кулак кефал сыяктуу 54 балык түрү бар.