Mausoleum of Abdul Aziz Baba

Абдул Азиз баба кесенеси — Карахан доорунун (9-кылым) архитектура эстелиги, кесене Түркстан облусунун Сайрам айылында жайгашкан.

Курулуш сүрөттөлүшү

Имарат үч жарым сфералык күмбөз менен жабылган: бири ортодо, калгандары кең четтеринде. Портал четтери арка менен жабылган. Порталдын бурчтарында тегеректелген мамылар бар. Портолдун жогорку бөлүгү карниз менен бүткөн. Дубалдары күйдүрүлгөн кыштан курулган. Порталдын капталынан, түндүк фасадда 0,820 белгисиндеги тепкичке чыгуучу жол бар. Борбордук кире бериш дарбазасынын каршысында михраб жайгашкан.

Тарыхы

Сайрам районунда 9-кылымда курулган бул кесене тууралуу Кожо Ахмет Ясауйдун бизге кол жазма түрүндө жеткен «Рисала» деген китебинде Абдул Азиз баба пайгамбар Мухаммед баштаган ислам жолуна түшкөн алгачкы адамдардын бири болгону айтылат. Муну анын атынын аягына кошулган «баба» сөзү да көрсөтөт. Абдул Азиз Сайрамдагы Ибрахим ата (Кожо Ахмет Ясауйдун атасы) жана Отырардагы Арыстан баба менен аталаш. Күмбөз 16-кылымда калыбына келтирилген. Аны казак ханы Наурызахмет (Барак) кайра курдурган деген маалыматтар бар. Бул күмбөз Сайрамдагы эң чоң комплекс болуп саналат, ал орто кылымдык архитектура салтында курулган. Төрт бурчтуу, күйдүрүлгөн кыштардан каланган күмбөздүн комплекси үч бөлмөдөн турат. Кире бериши тике бурчтуу, арка менен каталган, эшиктин эки капталына мамылар орнотулган. Комплексти оңдоп-түзөөдөн өткөргөн курулушчулар күмбөздүн баштапкы долбоорун сактоого аракет кылышкан.