Nurek Reservoir

Норак суу сактагычы — Борбордук Азиядагы ири гидротехникалык курулуш. Тажикистан Республикасынын аймагында, Вахш дарыясында Норак ГЭСинин тосмосу курулушунун натыйжасында пайда болгон. 1972-жылдан баштап суу толтурула баштаган. Энергетика-ирригация максаттарындагы гидроузелдин курамдык бөлүгү болуп эсептелет. Аянты 98 км², көлөмү 10,5 км³, узундугу 70 км, эң кең жери 1 км, орточо тереңдиги 107 м, суу сактагычтын деңгээли болжол менен 53 м чегинде өзгөрүп турат. Норак суу сактагычы дарыянын режимин мезгилдик жактан тартипке салат. Талаа жана чөлдөрдү өздөштүрүүгө, ошондой эле 1 млн. гектарга жакын жерди сугарууга мүмкүнчүлүк берген.