Кохи Навруз

«Нооруз сарайы» — дүйнөдөгү эң чоң сарайлардын бири жана Тажикистандын туристтик жактарынын бири болуп саналат, ал 2014-жылы Душанбе шаарында курулган.

Курулушу

Бул сарай борбор шаардын борбордук бөлүгүндө жайгашкан. Архитекторлордун баштапкы идеясы улуттук стилде заманбап чайхана курууга багытталган эле.

«Нооруз сарайы» 5 кабаттан турат, анын 40 миң чарчы метрге жакын бөлүгү тажик устаттарынын кол өнөрчүлүк эмгеги менен, улуттук архитектуралык стилде курулган жана дүйнөдө теңдешсиз. Ошондой эле кичине жана чоң залдар, жайкы террасалар, түрдүү өнгөлүү жана музыкалуу фонтандар бул комплекске өзгөчө салтанат берет. Комплекстин 11 залы тажик элинин улуттук искусствосу — гипс сыйпалоо, мозаика жана боёк шише, жыгач кескич, таш кескич жана күзгү иштери менен кооздолгон.

«Дидор» залы

Залдын кире бериши «кундал» деп аталган оюм-чиймелер менен кооздолгон. Бул банкет залы, анын дубалдары күзгүнүн үстүндөгү гипс оюмдары менен кооздолуп, аларда улуттук накыштар чагылдырылган. Шыбы түстүү оюмдар менен кооздолуп сырдалган. Эки тараптан кескич менен иштелген жыгач баскычтар бар. Залдын аянты 1100 чарчы метр.

«Аржанг» залы

Бул зал Тажикистандын 29 түрдүү жарым баалуу таштарынан курулган (ошондуктан аны «Таш зал» деп да аташат). Дубалда Камолиддин Бехзоддун сүрөттөрүнүн негизинде мозаика жасалган. Залдын аянты 1000 чарчы метр.

«Гулистон» залы

Бул зал тажик кескичтик өнөрүнүн сыймыгын көргөзөт. Бул залда 6000 чарчы метрден ашык жыгач кескичтик иштер уста Бурхандын (Исфара) жетекчилиги астында жасалган. Анда 16 мамы бар. Анын чоң люстрасы 3 тоннага барабар жана хрустальдан жасалган. Залдын аянты 1650 чарчы метр.

«Зарандуд» залы

Бул имараттын эң бийик залы. Анын чоң люстрасы 6 тонна 700 килограмм салмактуу жана 1600 чырактан турат. Дубалдын ар бир бөлүгүндө жети жылдызы бар алтын таажынын символун көрүүгө болот. Мамыларда (16 даана) жана алардын үстүндө накыштар таза алтын менен кооздолгон (ошондуктан аны «Алтын зал» деп да аташат). Залдын дубалдары күзгү жана айнек үстүндөгү гипс оюмдары менен кооздолгон. Бардык иштер уста Анваршо Ризвоновдун (Рашттан) жетекчилиги астында жасалган.

ШКУнун 8 кереметинин бири

2019-жылы Душанбедеги «Нооруз сарайы» Шанхай Кызматташтык Уюмунун сегиз заманбап кереметинин бири катары таанылган.