Toktogul Reservoir

Токтогул суу сактагычы — Нарын дарыясынын ылдый агымында, Чаткал менен Фергана тоо кыркалары арасындагы капчыгайда (Кыргыз Республикасында) курулган. 1978-жылы иштетилген, жалпы көлөмү 19,5 км³, пайдалуу көлөмү 14,0 км³. Суу сактагыч сугат жерлердин көлөмүн 400 миң гектарга көбөйтүүгө жана 900 миң гектар эгин аянтынын суу менен камсыз болушун жакшыртууга, Нарын дарыясынын көп жылдык агымын башкарууга, суу чарба жана суу энергетикасы маселелерин чечүүгө кызмат кылат. Кубаттуулугу 1200 МВт болгон Токтогул ГЭСинин иштешин камсыз кылат.

Гидроузел төмөнкү курулмалардан турат: бетон бөгөт, ГЭС, дренаж тутумдары жана фильтрацияга каршы каражаттар, жардамчы курулмалар, бөгөттү бекемдөөчү жана башка жер астындагы курулмалар комплекси. Татаал топографиялык, геологиялык жана гидрогеологиялык шарттарда ишке ашырылган бөгөттүн курулушунда дүйнөлүк тажрыйбада биринчи жолу бир катар жаны технологиялар колдонулган.