Yağ masjidi

Yağ masjidi (turkcha: Yağ Cami) – Turkiyaning Adana shahrida joylashgan tarixiy masjid. Tuzilma dastlab Surp Hagop arman apostol cherkovi sifatida XIII asrning ikkinchi yarmida Ciliciya Arman Qirolligi davrida qurilgan. 1380-yilda Ramazanoğlubey Shihobiddin Ahmad shaharni egallab olganidan soʻng masjidga aylantirilgan. Bino shahardagi eng qadimgi masjid boʻlib, keyinchalik madrasani oʻz ichiga olgan külliyening bir qismiga aylangan.

Tarixi

Surp Hagop cherkovi XIII asrning ikkinchi yarmida armanlar Vizantiya imperiyasidan shaharni qaytarib olganidan keyin arman apostol cherkovi sifatida qurilgan. Adana shahri 1359-yilda Mamluklar sultonligiga berilgan va keyingi oʻn yilliklarda koʻplab turk oilalari shaharga koʻchib kelgan. Oʻzlarining diniy burchlarini bajarish maqsadida cherkov 1380-yilda Ramazanoğlubey Shihobiddin Ahmad tomonidan masjidga aylantirilgan va Ulugʻ masjid deb qayta nomlangan. Ulu Camii qurilganidan keyin masjid XVI asr boshidan Eski masjid nomi bilan tanilgan. Masjid 1501-yilda Gʻiyosiddin Halilbey tomonidan taʼmirlangan. Keyinchalik uning oʻgʻli Piri Mehmet posho 1525-yilda minora, 1558-yilda madrasa qurdirgan. XIX asrning oʻrtalaridan boshlab, masjid Yağup nomidan kelib chiqqan Yağ nomi bilan mashhur boʻlgan, Yağup soʻzi Hagop ismining arabcha versiyasidir.

Masjid

Masjid darvozasi sariq va qora rangdagi toshlardan qurilgan boʻlib, muhim sanʼat asari hisoblanadi.

Madrasa

Madrasa masjid hovlisida joylashgan. Madrasada darsxonalar, hujralar (yotoqxonalar) va oshxona mavjud. Sinf xonalari gumbazlar bilan qoplangan.