Alij village mosque

Alıc kənd məscidi və ya Muradqulu məscidi — 1719-cu ildə Quba rayonunun Alıc kəndində tikilmiş məscid. Azərbaycan Respublikası Nazirlər Kabinetinin 2 avqust 2001-ci ildə verdiyi 132 nömrəli qərar ilə məscid yerli əhəmiyyətli daşınmaz tarix və mədəniyyət abidələrinin siyahısına salınıb.

İlk illəri

Alıc kənd məscidi 1719-cu ildə Alıc kəndində tikilib. Məscidin binası düzbucaqlı formadadır və çiy kərpicdən tikilib. Kiçik pəncərəsi şəbəkə ilə yığılıb.

Məscidin qapısınin üzərində nəsx xətt ilə işlənmiş kitabə mövcuddur. Ərəb dilində olan kitabənin başlanğıcı qapının sağ tayında yerləşir. Kitabədə yazılıb:

Kitabənin qalan dörd sətri qapının sol tayında yerləşir. Orada isə yazılıb:

Kitabədən göründüyü kimi, məscidin qapısı Pir Hüseyn oğlu Muradqulunun vəsaiti hesabına hazırlanıb. Kitabə abidənin tarixinin müəyyənləşdirilməsinə kömək edir. Hicri 1131-ci il 20 may-18 iyun 1719-cu il tarixlərinə bərabərdir. Bu kitabədə həm də qapının Quba şəhərindən olan iki oyma ustası tərəfindən düzəldildiyi də məlum olur.

Sovet işğalından sonra

Sovet işğalından sonra 1928-ci ildə Azərbaycanda rəsmi olaraq dinlə mübarizəyə başladılar. Bir çox məscid, kilsə və sinaqoqlar maarifləndirici istiqamətlərdə istifadə üçün klubların balansına verildi. Əgər 1917-ci ildə Azərbaycanda 3.000 məscid var idisə 1927-ci ildə bu rəqəm 1.700, 1928-ci ildə 1369, 1933-cü ildə isə 17 idi. Alıc kənd məscidi də bu dövrdə fəaliyyətini dayandırıb və məscidin binasından anbar kimi istifadə olunub.

Azərbaycan müstəqilliyini yenidən bərpa etdikdən sonra məscid dindarların istifadəsinə verilib. 2 avqust 2001-ci ildə Azərbaycan Respublikası Nazirlər Kabinetinin verdiyi 132 nömrəli qərar ilə məscid, yerli əhəmiyyətli daşınmaz tarix və mədəniyyət abidələrinin siyahısına salınıb.

Hazırda qəzalı vəziyyətdədir.