MKE Sanayi ve Teknoloji Müzesi

MKE Sənaye və Texnologiya Muzeyi — Ankaranın Yenimahalle ilçəsinə bağlı Emniyyet məhəlləsində yerləşən bir muzeydir. 22 may 2013-cü ildə Maşınqayırma və Kimya Sənayesi Təşkilatının tərkibində təsis edilmişdir. Muzeydə sayı 1000-i keçən, Türkiyə hərbi silah və müdafiə sənayesinin inkişaf mərhələlərini göz önünə gətirən sənədlər və materiallar, bir çoxu İstiqlal Müharibəsi zamanı da istifadə edilmiş Osmanlı istehsalı silahlar, istehsal dəzgahları, MKE-nin işləyib hazırladığı hərbi avadanlıq nümayiş etdirilir. Həmçinin ölkə sənayisinin inkişafına töhfə vermiş və istiqamət vermiş şəxslərin əşyaları, onların portretləri və mühəndislikə aid obyektlər də nümayişə təqdim olunanlar arasındadır. Muzey 3 ölçülü şəkildə gəzilə bilər.

Muzey binası

Hazırda muzeyin yerləşdiyi yerdə əvvəllər II Əbdülhəmid dövründə inşa edilmiş köhnə bir bina var idi. Bu bina, istiqlal mübarizəsinin aparıldığı illərdə İstanbuldan oğurlanaraq Anadoluya gətirilmiş hərbi təchizatların da saxlandığı bir süvari kazarması kimi istifadə olunmuşdu, lakin 20 noyabr 1922-ci ildə baş vermiş yanğın nəticəsində tamamilə kül oldu. Mustafa Kamal Atatürk, Ankaranın hər yerindən görünən bu fəlakətdən sonra binanı həyat yoldaşı Latife Xanımla birlikdə ziyarət etmiş və bu vəziyyətin türk xalqını üzməməsi, yerinə dərhal daha yaxşı bir binanın tikilməsi lazım olduğunu bildirərək məşhur "Türk; fəxr et, çalış, inan!" sözünü məhz burada demişdir. Muzey isə yanğından sonra yenidən inşa edilmiş binada yerləşdirilmiş; cəmi 4.500 kvadratmetr qapalı və 10.000 kvadratmetr açıq istifadə sahəsinə malikdir.

Qazi Kovan

Muzeydə nümayiş olunan əsərlər arasında mənəvi dəyəri ən yüksək olan və ən çox diqqət çəkən parça olan "Qazi Kovan" Türk İstiqlal Müharibəsi zamanı 1,5 il ərzində tam 8 dəfə doldurulmuş və 9 müxtəlif cəbhədə təkrar-təkrar istifadə edilmişdir. Respublikanın elan edilməsindən sonra həyata keçirilən 101 pərə top atəşinin sonuncusu Qazi Kovanla edilmişdir.