Great Mosque of Mardin

Мардин Ұлы мешіті — Артукидтер дәуірінің сәулет үлгілерінің бірі, Мардин орталығында орналасқан тарихи мешіт. Салынған кезде екі мұнарасы болған ғимарат қашалған тастан жасалған. Мешіттің күмбезі сырттан ойық-жиек техникасымен жасалған тілімделген құрылымда. Бұл құрылыс стилі кейін Мардин сәулетінде дәстүрге айналған. Көлденең дамыған ғимараттың михраб алдында күмбезі бар. Тіктөртбұрышты пішінді ауласы мешіттің солтүстігінде орналасқан.

Қазіргі мұнара шаршы негіздің үстінде 1888/1889 жылы салынған. Он алты жазба тасы бар мешітті, мұнарадағы 1176 жылғы жазба тасқа сәйкес, Диярбекір мәлигі II Құтбеттін Ілғазы салдырған. Ал аулада тұрған жазба таста, оны Артукидтерден Хусамеддин Явлак Арслан 1186 жылы салдырған делінеді. Мешіт Темірдің жаулап алуы кезінде зардап шегіп, құлаған мұнара Мәмлүктер мен Ақ қойлылар дәуірінде жөнделген.

Мешіт османдар тарапынан 1764-1765, 1870, 1886 және 1889 жылдары жөнделген. Жақын уақытта, 1967-1968 жылдары және соңғы рет 2010-2012 жылдары (қараңыз: жазба тас) жөндеуден өткен. Михрабтың сол жағында қабырға ішінде орналасқан Сақал-ы Шәриф халық тарапынан зиярат етіледі.