Kaptan-ı Derya Basmacızade İbrahim Paşa Mosque

Қапитан-ы дерия Басмаджызаде Ибраһим паша мешіті — Стамбулдың Фатих ауданындағы Баязыт маңында XVIII ғасырдың басында қапитан-ы дерия Басмаджызаде Ибраһим паша салдырған мешіт.

Басмаджызаде Ибраһим паша теңіз жорығынан сәтті оралғаннан кейін байлығы артып, бұрын салдыруды ойлаған сыбиян мектебін кеңейтіп, кешенге айналдыруға шешім қабылдады. Мешіттің үш жолды арабша жазуында мешітті қапитан Ибраһим паша салдырғаны және құрылыс хижра бойынша 1119 жылы (милади 1708) зүлхижже айында аяқталғаны көрсетілген. Көптеген қайырымдылық жұмыстарын жасатқан Ибраһим паша соңғы қызмет орны Кандияда қайтыс болды және мәйіті сол жерде өзі салдырған сыбиян мектебінің жанына жерленді.

Мешіт өңделген тас пен кірпішті пайдалана отырып, аралас әдіспен, 14 × 17 м өлшемді төртбұрышты жоспарлы етіп салынған. Мешіттің төбесі қорғасынмен жабылған болса, кейін қыш жапқышпен жабылған. Мұнарасы өңделген тастан салынған. Мешіттің қыбыла қабырғасының алдыңғы бөлігінде қорым бар. Мешітті салдырған Ибраһим паша қорымда өзінің кесенесіне орын қалдырған еді. Бірақ Ибраһим паша кешен салынғаннан 17 жыл өткен соң Критте қайтыс болғандықтан, мәйітін мұнда жерлеу мүмкін болмады, сондықтан кесене салынбады. Мешіттің айналасын өңделген тас пен кірпішті пайдаланып аралас әдіспен салынған терезелі бақ қабырғасы қоршап тұр. Бақ қабырғасының бұрышында бес терезелі сәбіл бар.

Ибраһим паша мешіті 1935 жылы 15 қарашадағы №2845 заңмен штаттан тыс қалдырылды. Мешіт көп жыл Стамбул университеті кітапханасының оқу залы және қоймасы ретінде пайдаланылғаннан кейін 1987 жылы 27 наурызда қайта ғибадатқа ашылды. 1999 жылы 17 тамызда болған Гөлджук жер сілкінісінде зақымданған мешіт Уақыфтар бас басқармасы қалпына келтіргеннен кейін 2006 жылы ғибадатқа ашылды.