Mithraeum of Zerzevan Castle

Митра ғибадатханасы — Диярбакырдың Чинар ауданында Зерзеван қамалының ішінде орналасқан ғибадатхана.

Панахананың дәл солтүстігінде жер астына негізгі жартасты ойып салынған. Б.з. 2 және 3 ғасырда Рим империясында әсіресе сарбаздар арасында өте кең таралған, б.з. 4 ғасырда христиандықтың таралуымен маңызын жоғалтқан Митра дініне жатады. Анадолыдағы екі Митра ғибадатханасының бірі болған (екіншісі Антепте) бұл ғибадатхана 2017 жылы Зерзеван қамалында кездейсоқ табылған. 1800 жылдық деп болжанады.

Сәулеті

Ұзындығы 7 метр, ені 5 метр, биіктігі 2,5 метр құрылыс. Құрылыстың шығыс қабырғасында негізгі жартасқа ойылған бағандар және ортада үлкен, бүйірлерде екі кіші ойық бар. Ортадағы үлкен ойықтың айналасындағы екі баған үстінен көтерілетін белдеуде бояу қалдықтарын көруге болады.

Шығыс қабырғада сәуле тәжі мотиві де бүгінге дейін сақталған. Кіші ойықтардың бірінде өте тегіс ойылған су табақшасы және дәл алдында құрылыстың еденінде бассейн бар. Сонымен қатар төбе бөлігінде симметриялы жасалған төрт мал байлайтын орын бар. Құрылыстың кіру есігінде жазулар мен символдар анық көрінеді.

2018 жылы ғибадатханаға ашылатын ғұрыптық мақсаттағы екі дәліз табылған.