Museum of Earthquake

Жер сілкінісі мәдениет мұражайы (Адапазары жер сілкінісі және мәдениет мұражайы) — Сакарьяда Адапазары әкімшілігіне қарасты, 2004 жылы ашылған мұражай. Мұражайдың құрылысы 2000 жылы басталып, төрт жылға созылған. Мұражай 1999 жылдың 17 тамызында болған Мармара жер сілкінісінде қаза тапқандарды еске алу, оқиға туралы ақпарат беру және келушілерді жер сілкінісі мәселесі жайлы хабардар ету мақсатында салынған.

Мұражай ғимараты құлаған қабырғалар мен қисайған бағаналарды бейнелеп, көшкін пішінінде жобаланған. Ғимарат фотосурет, кескіндеме, сурет пен құжаттар қойылатын көркем галерея сияқты жасалған. Мұражайда 1967 және 1999 жылдардағы жер сілкіністеріне қатысты сілкініс алдындағы және кейінгі фотосуреттер көрсетіледі. Мұражайдың бір бөлігі механизмдер арқылы жасанды дірілдеу жасалатындай етіп жобаланып, жер сілкінісінің әсерін сезіндіруге тырысылған. Виртуалды жер сілкінісі алаңында 7,4 балдық дірілдің ұқсас нұсқасы сезіндіріледі. Мұражайда жер сілкінісінде құлаған ғимараттардың құрылыс техникасына қатысты құрылыс материалдары туралы да ақпарат беріледі.