Birgi Katta masjidi

Birgi Katta masjidi (turkcha: Aydınoğlu Mehmet Bey Camii), shuningdek, Aydinoğlu Mehmet Bey masjidi deb ham ataladi, Turkiyaning Izmir viloyatida joylashgan tarixiy masjid.

Masjid Izmir viloyati, Ödemiş ilchesi, Birgi mahallasida joylashgan.

Aydiniylar XIV asrda Gʻarbiy Onadoʻlida Anadolu beyliklaridan biri edi. Hozirgi Birgi qishlogʻi ana shu beylikning poytaxti boʻlgan. Masjid esa beylikning birinchi hukmdori Mehmetbey tomonidan bunyod etilgan.

Meʼmorchiligi

Masjid 1312-yilda qurilgan va Saljuqiy masjidlari namunalaridan biri hisoblangan. Masjidning eng diqqatga sazovor qismlari – hech qanday metall mix ishlatilmagan nozik yogʻoch oʻymakorligi bilan bezatilgan minbari va toʻq havorang marmardan yasalgan mehrobi hisoblanadi. Binoning janubi-sharqiy burchagida joylashgan sher haykali ham masjidning qiziqarli jihatlardan biridir, chunki bunday haykallar islom meʼmorchiligida kam uchraydi. Ushbu haykal Lidiya davriga oid binodan olingan spolia hisoblanadi.

Minbar darvozasining oʻgʻirlanishi

1993-yilda minbar darvozasi gʻoyib boʻlgan, keyinchalik britaniyalik sayyoh uni Britaniya muzeyidan topgan. Turkiya Respublikasi Madaniyat va turizm vazirligi darvozani sotib olib, 1996-yilda tegishli joyiga qaytargan.