Police Heritage Museum

Polis Muzeyi, Türkiyənin Ankara şəhərində qurulmuş muzey.

Emniyet Genel Müdürlüğü Sosyal Hizmetler ve Sağlık Daire Başkanlığı bünyəsində 9 Aprel 2021 tarixində xüsusi muzey statusunda Ankara'nın Çankaya rayonu, Ayrancı məhəlləsində yaradılmışdır.

Tarixçə

Osmanlı dövründə ilk Polis Muzeyi 1911-ci ildə Dersaadet (İstanbul) Polis Məktəbi bünyəsində planlaşdırılmışdır. Lakin müharibə şərtləri səbəbindən işlərə fasilə verilib, 1917-ci ildə toplanan paltar və avadanlıqların İstanbul Müdüriyəsi'nde sərgiləndiyi sənəd və qeydlərin incələnməsi ilə anlaşılmışdır. I. Dünya Müharibəsi illərində başlayan Polis Muzeyi açma cəhdləri 104 il sonra ilk dəfə xüsusi muzey statusu ilə 9 Aprel 2021 tarixində Emniyet Genel Müdürlüğü, Sosyal Hizmetler ve Sağlık Daire Başkanlığı bünyəsində açılan Polis Muzeyi ilə tamamlanmışdır.

Osmanlı İmperiyasından bu günə qədər Polis Təşkilatının keçirdiyi mərhələlər, ölkənin daxili təhlükəsizliyinin təmin edilməsi zamanı polisın cinayətlə mübarizədə izlədiyi yollar, baş verən hadisələr, istifadə etdiyi avadanlıqlar nümayiş etdirilir.

Kolleksiya

Muzey 6 hissədən ibarətdir. Muzeyin A, B və C sərgi sahələrində Türk Polis təşkilatının tarixdəki yerinin izah edildiyi sahədə köhnə dövr paltarları, Osmanlı polis təşkilatının yaranması, Osmanlı karakol maketləri, polislik tarixi xronologiyası, vəzifə yerinə yetirən önəmli polis zabitləri, Türk ədəbiyyatında polis romanları, ilk barmaq izi, ilk velosipedli süvari birliyinin yaradılması və silahlar sərgidə yer alır. Həmçinin 56 ədəd tarixi və müasir uniforma ilə paltarların sərgiləndiyi hiperrealistik silikon manekinlər, canlandırmalar, aksesuarlar, maket dioramalar, sənədli filmlər, tarixi və müasir polis motosikletləri, polis avtomobilləri, polis helikopteri muzeydə mövcuddur.

Muzeyin D hissəsində kriminal və bomba məhv etmə canlandırma sahələri, polis itlərinin təqdimatı, yol qaydaları təhsili üçün təşkil edilmiş sahə, yol qaydaları oyunu, hədiyyə əşyaları satış bölməsi, polis kitabxanası və sosial sahələr yerləşir. E hissəsində müasir polis avadanlıqları, geyimləri, vəzifə başında həyatını itirən polislərə aid əşyalar və nişanları, 15 İyul sahəsi, tarixi sənədlər, tarixi fotoşəkillər və xarici dövlət polis təşkilatlarından gələn hədiyyələr mövcuddur. F hissəsində zirehli polis vasitələri açıq sahədə sərgilənir.

Muzey, bazar ertəsi, çərşənbə axşamı, çərşənbə, cümə axşamı, cümə və şənbə günləri saat 10:00-17:00 arasında pulsuz xidmət göstərir.