Altınköy Open Air Museum

Алтынкөй ашық аспан астындағы мұражайы — Анкараның Алтындаг ауданында орналасқан ашық аспан астындағы мұражай. Қарқынды дамып жатқан қалалар мен оларға қарсы жойылу қаупіне тап болған ауылдардың мәселесі 21 ғасырдың ең маңызды проблемаларының бірі екенін көрсету және назар аудару мақсатында Алтындаг муниципалитеті кең аумаққа салдырған бұл мұражай 1930-1950 жылдардағы ауыл сәулетін, дәстүрлері мен мәдениетін үлгі ете отырып құрылған.

500 донум жер телімінде орналасқан Алтынкөй ашық аспан астындағы мұражайы ауыл кофеханасы, ауылдық басқарма (мухтарлық), қора-жайлар, бақшалар және дәстүрлі түрік үлгісіндегі ауыл үйлерімен толықтай ауыл өмірін бейнелейтіндей етіп құрылған. Мұражай тек көзбен көру үшін ғана емес, ауыл ішінде өткізілетін іс-шаралар арқылы тәрбиелік және танымдық қызмет те атқарады. Табиғи және органикалық өнімдер сатылатын ауылда осы өнімдердің дайындалу және өндірілу үдерісі де көрермен алдында жүзеге асырылады. Ауыл мешіті, аспалы көпір, мектеп, азық-түлік дүкені, диірмен, үйлер мен көшелер — ауыл ішіндегі басқа да құрылыстар.