ISTOÇ

Стамбұл көтерме сауда базары, немесе жиірек айтылатын атауымен ИСТОЧ сауда орталығы — Эминёню аймағындағы Тахтакале, Кантарджылар, Мерджан, Йешильдирек, Кючюкпазар, Сүлеймание, Сиркеджи, Джағалоғлу және Баязыттағы түрлі кәсіп иелері болған көтерме саудагерлердің бірігіп құрған кооперативі. Көтерме саудагерлер Стамбұл ішіндегі күннен-күнге күшейген кептеліс, санитарлық жағдайы нашар жұмыс орындары, тар көшелер, жүк тасушылық, көлік және соған ұқсас мәселелерге байланысты Эминёню аймағынан кетіп, Стамбұлдың сыртқы аудандарының біріне ортақ базар ашқысы келген.

1979 жылы 52 мүше құрған кооператив 1984 жылы қазіргі жеріне орналасты. Бүгінде құрылыс керек-жарақтары, сәнді құрылыс керек-жарақтары, пластик бұйымдар, меламин, кеңсе тауарлары, қағаз, металл бұйымдар, азық-түлік, кеңсе және жиһаз жабдықтары, тұрмыстық тоқыма, ыдыс-аяқ, медициналық тауарлар, жарнамалық өнімдер, аңшылық жабдықтар, ойыншықтар және пайдаланылған автокөліктер сияқты шамамен 35 түрлі тауар сатылады. ИСТОЧ Махмутбейде TEM автомагистралінің бойымен 2 шақырым жүзі бар, 1 миллион 100 мың шаршы метр аумақта салынған.

Көлік қатынасы

ИСТОЧ-қа İETT автобустарымен жетуге болады. Осы жердің ішінен өтетін автобус маршруттары — 31Y, 76O, 78, 78M, 98, 143, 146B және 146M. Сондай-ақ ИСТОЧ атты метро бекеті бар. Бағджылардан Башакшехир мен Кайашехир бағытына қатынайтын кейбір маршрут таксилерді де көлік қатынасына жатқызуға болады.