İsmailağa Mosque

İsmailağa Camii, İstanbulun Fatih rayonunda yerləşən, Osmanlı Şeyhülislamı Ebu İshak İsmail Efendi tərəfindən tikilən məscid. Məscid İsmailağa Cəmətinin mərkəzi mövqeyindədir.

Tarixi

1723-ci ildə Osmanlı Şeyhülislamı Ebu İshak İsmail Efendi tərəfindən Kəbə ölçülərində tikilmişdir. Məscidin ətrafında yerləşən darülhadis və mədrəsəni Ebu İshak İsmail Efendi'nin oğlu Şeyhülislam Ebuishakzade Mehmed Esad Efendi tikdirmişdir.

1894-cü ildə Böyük İstanbul Zəlzələsində məscid böyük zərər görmüş və minarəsi yıxılmışdır. Respublika dövründə mədrəsələrin bağlanması ilə birlikdə 200 illik bir mədrəsəyə sahib olan İsmailağa Camii uzun illər baxımsız qalmış və atların bağlandığı tərk edilmiş bir quruluşa çevrilmişdir. Məscidin təmir və bərpası 1952-ci ildə tamamlanmışdır. Bu təmir üçün II. Abdülhamid tərəfindən Ali Haydar Efendi'ye hədiyyə olaraq verilən qızıllar da istifadə edilmişdir. 1954-cü ildə imama başlayan Mahmut Ustaosmanoğlu 1997-ci ilə qədər bu vəzifəsini davam etdirmişdir.

Məscidin hazirəsində, məscidi tikən Ebu İshak İsmail Efendi'nin məzarının yanında oğulları Ebuishakzade İshak Efendi, Ebuishakzade Mehmed Esad Efendi, Şeyh Mehmed, Lütfullah və Mesudun məzarları və ailə üzvlərinə aid bəzi digər məzarlar da mövcuddur.